ДушанбеСтудияи барномасозӣ · резиденти IT-парк
Маҳсулоти асосии мо — низоми «Тоҷ»: ҷадвали дарсҳо, журнал, имтиҳонҳо ва ҳуҷҷатҳо барои 13 коллеҷ ва 27 500+ донишҷӯ. Инчунин портали Student.TJ, таҳияи фармоишӣ ва биометрия.
Хуҷандколлеҷи тиббӣ
Бобоҷон Ғафуровколлеҷи тиббӣ
Бохтарколлеҷи тиббӣ
Ёвонколлеҷи тиббӣ
Ҳисорколлеҷи тиббӣ
Ҳамадонӣколлеҷи тиббӣ
Шаҳритусколлеҷи тиббӣ-иҷтимоӣ
Муминободколлеҷи тиббӣ
Конибодомколлеҷи тиббӣ
Бохтарколлеҷи махсусгардонидашуда
Данғараколлеҷи тиббии ДДТХ
Ваҳдатколлеҷи тиббӣ
Ҳисорколлеҷи омӯзгорӣ
Низоми «Тоҷ» · маҳсулоти асосӣ
Дар «Тоҷ» муассиса контингент, нақшаҳои таълимӣ, ҷадвали дарсҳо, журнал, имтиҳонҳо, пардохти таҳсил, ҳуҷҷатҳо ва ҳисоботҳоро барои идораҳо пеш мебарад — дар як низом ва бо се забон. Ҳар муассиса пойгоҳи додаҳои худро дорад, навсозиҳо бошанд, якбора барои ҳама мебароянд.
SIT — ихтисораи Системаи идоракунии таълим.
Факултетҳо, кафедраҳо, гурӯҳҳо ва зергурӯҳҳо дар як сохтор ҷамъ шудаанд. Корти донишҷӯ тамоми парвандаи шахсиро нигоҳ медорад, фармонҳои қабул, интиқол ва хориҷкунӣ бошанд, ҳолатро иваз карда, дар таърих боқӣ мемонанд.
Нақшаи таълимӣ соатҳоро аз рӯи намуди дарсҳо муайян мекунад, автогенератор онҳоро дар давоми семестр тақсим мекунад. Аудитория, омӯзгор ва гурӯҳ ҳеҷ гоҳ ду бор банд намешаванд, навбатҳои гурӯҳҳо ва рӯзҳои ид ба назар гирифта мешаванд.
Омӯзгор давомотро қайд мекунад ва барои ҳар дарс баҳо мегузорад. Сессияҳои имтиҳонӣ, бонки саволҳо ва тестҳои онлайн — дар ҳамин низом, супоришҳо аз рӯи мавзӯъҳо — бо мӯҳлат ва санҷиш.
Маълумотномаҳо, фармонҳо ва иқтибосҳои баҳоҳо аз корт ҷамъ шуда, бо рамзи QR чоп мешаванд. Шаклҳои ҳисоботи давлатӣ бо маълумоти низом пур карда мешаванд — бе интиқоли дастӣ ба Excel.
Ҳамаи модулҳо бо як маълумот кор мекунанд: донишҷӯро як бор ворид мекунанд — ва ӯ дарҳол дар журнал, хазина ва ҳисоботҳо намоён мешавад.
Видеодарс бевосита аз ҷадвал: сабт, чат, файлҳо; ҳузур худкор ба журнал мегузарад.
Семестрро бе бархӯрди аудиторияҳо, омӯзгорон ва гурӯҳҳо тартиб медиҳад; навбатҳо ва рӯзҳои идро ба назар мегирад.
Давомот ва баҳоҳо барои ҳар дарс; дарсҳои пурнашуда дарҳол намоёнанд.
Сенарияи клиникӣ бо шохаҳо: ҳар қарори донишҷӯ ба натиҷа ва таҳлили худ мебарад.
Сессияҳо, бонки саволҳо бо воридот, тестҳои онлайн ва санҷиши чеҳра пеш аз имтиҳон.
Плеери курсҳои SCORM 1.2 ва 2004: кӯшишҳо, нигоҳ доштани пешрафт, хол ба журнал.
Мавзӯъҳои курс, супоришҳо бо мӯҳлат, супоридани файлҳо ва санҷиши омӯзгор.
Шаклҳо барои Вазорати маориф ва илм, Вазорати тандурустӣ, Агентии омор ва таҳсилоти касбӣ — аз маълумоти низом, бо содирот ба Excel.
Маълумотномаҳо, фармонҳо, иқтибосҳои баҳоҳо; аслиятро бо рамзи QR бе вуруд месанҷанд.
Шартномаҳо аз рӯи ихтисос ва соли қабул: ҳисобкуниҳо, пардохтҳо, қарзҳо, квитансияҳо.
Байни муассисаҳои пайвастшуда — бо парвандаи шахсӣ, акс ва баҳоҳои ҳамаи солҳо.
Вуруд ва қайди ҳузур бо изи ангушт; сервер қолабро нигоҳ медорад, на тасвирро.
Биноҳо, ҳуҷраҳо ва ҷойҳо, аризаҳои донишҷӯён ва таърихи истиқомат.
Ва инчунин: кадрҳо ва нақшаҳои инфиродӣ, муроҷиатҳои донишҷӯён, китобхона, хоҷагидорӣ, вазифаҳо ва равандҳои корӣ, эълонҳо ва пурсишҳо, дашбордҳои роҳбар, журнали амалҳо, ёрдамчии ИИ барои омӯзгор.
Student.TJ · барои донишҷӯён
Портал ва барнома барои донишҷӯёни муассисаҳое, ки дар «Тоҷ» кор мекунанд. Ҷадвал, баҳоҳо ва супоришҳо ҳамон лаҳзае намоён мешаванд, ки коллеҷ онҳоро ворид кард, маълумотномаро бошад, бе навбат дар қисми таълим фармоиш додан мумкин аст.
Огоҳиҳо ба телефон меоянд: баҳои нав, интиқоли дарс, оғози дарси онлайн, супориши нав, ҷавоб ба муроҷиат. Кадомашро гирифтанро донишҷӯ худ интихоб мекунад.
10 000+ насб дар Google Play · тоҷикӣ, русӣ, English
АсосӣДарсҳои имрӯза, GPA ва давомот — дар экрани аввал
Низомҳои баҳисобгирӣ, барномаҳо, ҳамгироӣ ва биометрия — барои муассисаҳо ва ширкатҳои Тоҷикистон.
Низомҳои баҳисобгирӣ, кабинетҳои шахсӣ ва порталҳои дохилиро тарҳрезӣ ва таҳия мекунем. Мисол — низоми «Тоҷ»: як коди барнома ба 13 муассиса хизмат мерасонад, ҳар кадом пойгоҳи худро дорад.
Барои низоми вебии шумо барномаҳо месозем ва онҳоро дар мағозаҳо нашр мекунем. Ҳамин тавр Student TJ (10 000+ насб) ва Toj барои кормандон сохта шудаанд.
Низомҳоро бо ҳамдигар, бо хидматҳои пардохт ва дастгоҳҳо мепайвандем, то маълумотро дастӣ интиқол надиҳанд. Низоми «Тоҷ» ва Student.TJ тавассути API-и ҳифзшуда маълумот мубодила мекунанд.
Баҳисобгирӣ бо изи ангушт ва чеҳраро насб ва нигоҳубин мекунем, онро бо низоми «Тоҷ» ё низоми шумо мепайвандем. Ба сервер танҳо қолаб меравад — тасвири изи ангушт интиқол дода намешавад.
Муассисаро ба низоми «Тоҷ» пайваст мекунем, маълумотро интиқол медиҳем ва кормандонро меомӯзонем. Пайвасти техникӣ 1 рӯзи корӣ мегирад.
Навсозиҳо мебарорем, хатоҳоро ислоҳ мекунем ва ба саволҳои корбарон ҷавоб медиҳем. Коди ҳамаи муассисаҳо умумӣ аст, бинобар ин навсозиро ҳама якбора мегиранд.
Муассисаи нав аз рӯи қолаб пайваст мешавад, на бо насби алоҳида. Мӯҳлати интиқоли маълумот ва омӯзиш ба ҳаҷм ва омодагии файлҳои муассиса вобаста аст.
«Тоҷ»-ро дар амал нишон медиҳем ва равандҳои шуморо таҳлил мекунем: сохтор, нақшаҳо, пардохти таҳсил, ҳуҷҷатҳо ва ҳисоботҳо.
Пойгоҳи муассисаро аз қолаби тайёр месозем. Ихтисосҳо ва фанҳо аз феҳристи умумӣ гирифта мешаванд.
Донишҷӯён, гурӯҳҳо, фанҳо ва нақшаҳоро аз ҷадвалҳои шумо бор мекунем. Кормандони масъул натиҷаро месанҷанд.
Аз рӯи нақшҳо кор карданро меомӯзонем: қисми таълим, кафедраҳо, муҳосибот, омӯзгорон. Донишҷӯён Student.TJ мегиранд.
Муассиса таълимро дар низом пеш мебарад, мо навсозиҳо мебарорем ва ба саволҳо ҷавоб медиҳем.
ҶДММ «Аҷоибот» — студияи барномасозӣ аз Душанбе, аз соли 2011 фаъолият мекунем. Аз соли 2018 низоми «Тоҷ», портали Student.TJ ва низомҳои фармоиширо месозем ва пуштибонӣ мекунем.
Серверҳо дар қаламрави ҷумҳурӣ ҷойгиранд. Пойгоҳи ҳар муассиса аз дигарон ҷудо аст, видеодарсҳо тавассути сервери худӣ мегузаранд.
Низом ва портали донишҷӯ бо забонҳои тоҷикӣ, русӣ ва англисӣ кор мекунанд. Забонро ҳар корбар худ интихоб мекунад.
349 ҳазор сатри коди худӣ дар низоми «Тоҷ». Такмилҳоро барои муассиса худамон анҷом медиҳем, бе миёнаравҳо.
Журнал сабт мекунад, ки кӣ, кай ва чиро тағйир дод. Паролҳо танҳо ба шакли ҳеш нигоҳ дошта мешаванд, нусхаи эҳтиётӣ ҳар шаб сохта мешавад.
ҶДММ «Аҷоибот» — резиденти IT-парки шаҳри Душанбе. Шартнома, пуштибонӣ ва масъулият — дар зиммаи шахси ҳуқуқии Тоҷикистон.
Student TJ барои донишҷӯён — 10 000+ насб дар Google Play; Toj — барои кормандон. Баҳоҳо, ҷадвал ва супоришҳо ҳамчун огоҳӣ меоянд.
аҷоибот
1.ҳайратангез, аҷиб
Мо ба ҳайрат оварда метавонем.
Дархост гузоред — бо шумо тамос мегирем, ба саволҳо ҷавоб медиҳем ва вохӯриро муайян мекунем.
Телефон ё e-mail-ро нависед — барои тамос ҳамин кифоя аст.
Фиристодан муяссар нашуд. Бори дигар кӯшиш кунед ё ба info@ajoibot.tj нависед, занг занед: +992 907 72 63 74.
Ташаккур! Бо шумо тавассути телефон ё почтае, ки нишон додед, тамос мегирем.
